«Мен сені сүйемін, Астана!» бейнелеу өнері, керамика, қолданбалы өнер және қазіргі заман дизайны көрмесі
Оқушылар сарайы медиаортылығының «журналистика» үйірмесінің мүшелері 5 маусым күні «Фейсбук» арқылы Астана күніне арналған «Мен сені сүйемін, Астана!» атты байқау өткізілетінін хабарлады. Оған балалар өздерінің суреттерін, қолөнер бұйымдарын қоюға болатыны айтылды.
10 маусым күні Оқушылар сарайының галереясында көрме ұйымдастырылды. Мақсаты жас жеткіншектер бойына еліне, жеріне деген махаббат, патриотизм және гуманизм сезімдерін ұялату және жақынға қайырымдылық жасау болып табылады. Көрмеге бейнелеу өнері, керамика, қолданбалы өнер және қазіргі заман дизайны үйірмелерінің оқушылары қатысты. Балалардың жүрегінен шыққан бұйымдар Балалар үйіне және «Ана мен бала ұлттық орталығының онкология бөлімінде ұзақ мерзімді ем қабылдап жатқан балаларға сыйға тартылды. Оқушылар сарайы педагогтары өздерінің картиналарын да ұсынды. Астана күні қарсаңында жасалған сыйлықтар балалардың көңілінен шығады деген ойдамыз.
 |
 |
 |