«Ғылым кені –Сәтбаев» атты қалалық шығарма конкурсының қортындысы
«Ғылым кені –Сәтбаев» атты қалалық шығарма конкурсының қортындысы
20 мамыр, 2014. Астана қаласындағы №69 мектеп-гимназиясында Қ.И.Сәтбаевтың 115 жылдығына орай «Ғылым кені –Сәтбаев» атты қалалық эссе конкурсының қорытындысы жарияланады.
Алаш жұртының абыройын асқақтатқан, қазақты әлемге паш еткен, академик Қаныш Имантайұлы Сәтбаев тек қазақтың ғана емес, бүкіл әлемнің, адамзаттың мақтанышы. 25 жасында қазақ жастарына арнап «Алгебра» оқулығын жазып, кен барлау жұмысымен Қазақстанның Орталық, Солтүстiк облыстарында, Жезқазғанда мыс рудалар кенiшiн ашты. Ғұлама геолог жасаған кен орындарының картасы осы күнге дейін маңызын жойған жоқ. Қаныш Сәтбаевтың еңбектері еліміздің индустриялық-инновациялық дамуына үлесін қосып келеді.Жүзінен нұры төгіліп тұратын қазақтың ер тұлғалы азаматыҚаныш Имантайұлы көзі тірісінде атақ - абыройдан кенде болған жоқ.Дегенмен оның еңбегіне берілген ең үлкен баға – бүгінгі ұрпақтың ықыласы, айрықша құрметі.
Осы мақсатта Астана қаласының Білім басқармасы Қ.И.Сәтбаевтың 115 жылдығына орай «Ғылым кені –Сәтбаев» атты қалалық шығарма – эссе конкурсын жариялаған болатын.
Конкурс Қ.И.Сәтбаевтың ғылым жолындағы еңбегін зерттей отырып, оқушылардың өз ойларын тұжырымдай алуына бағытталып, патриоттық және адамзаттық қасиеттерді насихаттау мен тәрбиелеу, жас жеткіншектердің бойына адамгершілікті қалыптастыруды көздейді.
Шығармалар конкурсына Астана қаласының жалпы білім беру ұйымдарының 7-10 сыныптарынан 300 оқушы қатысты.Олар өз шығармаларына Қ.И.Сәтбаевтың өмірі мен қызметі жолындағы өнегелі істерін, негізгі туындыларын арқау етті.
Дарынды шығармашылық қабілеті бар балаларға қолдау көрсету, ғылым адамдарының өмір жолын публицистикалық деңгейде ойлау құзіреттілігін қалыптастыру, адамгершілік құндылықтарды дәріптеу және патриоттық тәрбие беруге негізделген конкурсқа 50 шығарма ұсынылды.Конкурс жеңімпаздары мен жүлдегерлері қала әкімдігінің дипломдарымен және ақшалай сыйлықтармен марапатталды.
Өткізілетін орны мен күні: 2014 жылғы 20 мамыр, сағат 10.00
Үркер шағын ауданы, Исатай көшесі 141 үй, №69 мектеп-гимназия.
Журналистер үшін анықтама телефондары: 57-75-80