Астана қаласы дарынды ер балаларға арналған қазақ-түрік лицейінің жүлде қоржыны тағы да медалдармен толыға түсті.

Наурыз айының 10-12 аралығында Алматы қаласында өткен ХХҮІІІ «Азия-Тынық мұхит» математикалық олимпиадасына 38 мемлекет: Аргентина, Австралия, Бангладеш, Камбоджа, Канада, Чили, Колумбия, Коста-Рика, Эквадор, Сальвадор, Гонконг, Индонезия, Жапония, Қазақстан, Корея, Қырғызстан, Малайзия, Мексика, Жаңа Зеландия, Пәкістан, Панама, Перу, Филиппин, Пуэрто-Рико, Катар, Ресей, Сингапур, Шри-Ланка, Тайван, Тәжікстан, Таиланд, Тринидад және Тобаго, Түрікменстан, АҚШ, Гондурас, Оңтүстік Африка, Түркия, Уругвай елдерінен, ал ХІІІ «Жібек Жолы» олимпиадасына Ұлы Жібек Жолы бойында орналасқан мемлекеттер: Қазақстан, Өзбекстан, Қырғызстан, Түрікменстан, Түркия, Әзірбайжан, Қытай және тағы да басқа елдерінен оқушылар қатысты.

Осы олимпиадаларға біздің лицейден 6 оқушы қатысып, 2 күміс, 3 қола медалдар алып келді. Нағыз білім күшін сынасар сайыста Астананың намысын қорғап, жеңіске жеткен оқушылар мен олардың мұғалімі Муамер Гүлге алғысымыз шексіз. Әсіресе, 2 олимпиададан да күміс пен қола медаль жеңіп алған Алтынханов Қуандық пен Әлімжан Еркенді ерекше атап өтуге болады. 11-сынып оқушысы Алтынханов Қуандықтың Халықаралық олимпиадалардың бірнеше дүркін алтын, күміс медалдар иегері екенін айта кеткен жөн. Мұндай «алтын» оқушыларымыздан қалай айналмассыз!

Чтобы оставлять комментарии авторизуйтесь